Балалар сайыстың барлық кезеңдерінде ептілік, күштілік, тапқырлық және командалық рух танытып, өздерін жоғары деңгейде көрсетті. Әрбір қатысушы өз мүмкіндігін барынша көрсетуге тырысып, бір-бірін қолдап, ортақ жетістікке қуанды.

Жарыс қорытындысы бойынша біздің команда құрметті екінші орынды иеленіп, күміс жүлдеге қол жеткізді. Бұл жетістік – балалардың табандылығының, еңбексүйгіштігінің және жақсы дайындығының нәтижесі.

Біз кішкентай спортшыларымызды мақтан тұтамыз! Олардың жетістігі – тек марапат қана емес, сонымен қатар өзіне деген сенімділікті қалыптастыруға, спортқа деген сүйіспеншілікті арттыруға және ұлттық дәстүрлерді құрметтеуге жасалған маңызды қадам.