Ұлы қазақ ағартушысы, ақын және ойшыл Абай Құнанбайұлының 180 жылдық мерейтойы аясында «Ивушка» бөбекжай бақшасында эстетикалық бағыттағы №8 орта мектеп оқушылары мен балабақша тәрбиеленушілері арасында «Абай әлемі – мәңгі мұра» атты мәнерлеп оқу байқауы өткізілді.

Іс-шараның мақсаты – ұлы Абайдың рухани мұрасын дәріптеу, ұрпақтар сабақтастығын нығайту, көркем сөз мәдениетін дамыту, сондай-ақ мектеп пен балабақша арасындағы сабақтастықты қалыптастыру.

Байқауға 4-5 жастағы 18 бала мен мектеп жасындағы 5 оқушы қатысты. Қатысушылар Абай өлеңдерін үлкен шабытпен оқып, оның терең философиясын, туған тілге деген сүйіспеншілігін көрсете білді.

Қазылар алқасы қатысушылардың өнерін келесі критерийлер бойынша бағалады: көркемдік шеберлік, мәнерлілік, мазмұнын түсіну және тақырыпқа сәйкестік.

Қазылар алқасының құрамында:

• Раушан Қайыржанқызы –«Алтын бесік» бөбекжай бақшасының МКҚК меңгерушісі;
• Ольга Сергеевна – «Аленушка» бөбекжай бақшасының МКҚК меңгерушісі;
• Сандуғаш Біржанқызы –«Балдырған» бөбекжай бақшасының МКҚК меңгерушісі болды.

Байқау шынайы рухани мерекеге айналып, қазақ мәдениетіне деген құрмет пен сүйіспеншілікті көрсетті. Жеңімпаздар мен барлық қатысушылар естелік дипломдармен марапатталды.

Абай әлемі – таусылмас даналық пен адамгершіліктің қайнар көзі.